Сирија има голем недостиг од електрична енергија, а таа која ја испорачува државата е достапна само два или три часа дневно во повеќето региони. Оштетувањата на мрежата покажуваат дека производството на поголемо количество струја е само дел од проблемот.
Дамаск поголемиот дел од нафтата за производство електрична енергија го добиваше од Иран, но снабдувањето е прекинато откако џихадистички групи во декември го урнаа од власт поранешниот претседател Башар ал Асад, сојузникот на Техеран.
Новата преодна влада со претседателот Ахмед ал Шара, поранешен припадник на Ал каеда, вети дека брзо ќе го зголеми снабдувањето со електрична енергија, делумно со увоз на струја од Јордан.
Официјален Дамаск соопшти и дека ќе добие два брода за производство на електрична енергија од Турција и Катар за да го зголеми снабдувањето со струја.
