Тие, исто така, ќе распишат награди за информации за офицерите на сириската армија вклучени во воени злосторства, јавува Би-би-си.
Водачот на ХТС, Абу Мохамед ал-Џулани, рече дека ќе ги објави имињата на одговорните за тортурата и ќе побара репатријација за оние што побегнале во други земји, според британскиот јавен сервис.
Тој додаде дека ќе бидат обезбедени награди за информации за високи воени и безбедносни офицери вклучени во „воени злосторства“.
Додека продолжуваат истрагите во Асадовите притворни центри, бунтовниците синоќа известија дека пронашле речиси 40 тела во болничка мртовечница на кои имало знаци на тортура, јави Би-би-си.
