Брнабиќ за телевизијата Информер кажа дека злосторството од јули 1995 година во Сребреница „никогаш не смеело да се случи“.
„Тоа апсолутно не е геноцид, што не значи дека не е ужасно воено злосторство. Геноцид е она што им се случи на Србите во НДХ (Независна Држава Хрватска) за време на Втората светска војна“, кажа претседателката на српскиот парламент.
Претседателот на Србија, Александар Вучиќ, денес изрази сочувство до семејствата на бошњачките жртви по повод одбележувањето на 30 години од „страшното злосторство во Сребреница“.
„Денес се одбележуваат триесет години од ужасното злосторство во Сребреница. Не можеме да го промениме минатото, но мора да ја промениме иднината“, порача Вучиќ на социјалната мрежа Икс.
Тој додаде дека е „убеден дека слично злосторство никогаш повеќе нема да се случи“.
Today marks thirty years since the terrible crime in Srebrenica was committed. We cannot change the past, but we must change the future. Once again, on behalf of the citizens of Serbia, I express my condolences to the families of the Bosniak victims, confident that a similar…
— Александар Вучић (@predsednikrs) July 11, 2025
