Во соопштението на официјалната веб-страница на британската влада се објавува дека се укинуваат и санкциите против сирискиот министер за внатрешни работи Анас Хатаб. И двајцата претходно беа предмет на финансиски санкции насочени против џихадистичките групи Исламска држава и Ал каеда.
Портпаролот на Европската унија денес изјави дека одлуката на Обединетите нации ќе биде одразена во мерките на ЕУ. Велика Британија укина дел од санкциите против Сирија во април, додека ЕУ ги укина економските санкции во мај, но ограничувањата поврзани со оружјето и безбедноста остануваат на сила.
Ал Шара, порано познат како Абу Мохамед ал Џолани, стана привремен претседател на Сирија во јануари откако исламистичките сили предводени од групата Хајат Тахрир ал Шам го соборија претседателот Башар ал Асад во ненадејна офанзива.
Шара, кој некогаш беше висок функционер во џихадистичката група поврзана со Ал каеда, беше под санкции на ОН и Велика Британија од 2014 година, вклучувајќи забрана за патување, замрзнување на средства и ембарго за оружје.
Советот за безбедност на ОН ги укина тие мерки вчера, наведувајќи го прекинувањето на активните врски меѓу Хајат Тахрир ал Шам и Ал каеда. Овој потег доаѓа пред планираната средба на Шара со Трамп во Белата куќа за три дена.
