Градот Загреб планирал прием на плоштадот Бан Јелачиќ, но градоначалникот Томислав Томашевиќ го откажа бидејќи ракометарите, како што е наведено, конкретно побарале настап на Томсон. Со тоа, самите репрезентативци покажаа дека Томсон им е поважен отколку да слават успех заедно со својот народ. Томашевиќ кажа дека Градот претходно ги забранил концертите на Томсон поради употребата на усташкиот поздрав и ознаки, но бидејќи ракометарите застанале зад своето барање, на крајот дочекот на плоштадот се откажа.
Навивачите ја пречекаа репрезентацијата на аеродромот, каде што се појави и знамето на ХОС со усташкиот поздравот „За дом спремни“. Се пееле песните на Томсон, но пејачот, на чие доаѓање инсистирале, не се појавил. Владата потоа објави дека приемот сепак ќе се одржи вечерва во центарот на Загреб, со настап на Марко Перковиќ Томсон, што, според босанскиот портал Кликс, овозможува прослава со усташки пораки.
Во меѓувреме, Томашевиќ добил смртни закани: во пораката се тврди дека на две адреси во Загреб биле поставени „триесет експлозивни направи“ и дека „ нема да го дочека утрото“. Кликс потсетува дека „За дом спремни“ е усташки поздрав поврзан со НДХ и наведува дека Високиот суд за прекршоци (во јануари 2016 година) и Уставниот суд (во ноември 2016 година) ја оценија неговата употреба како незаконска.
Тие го нагласуваат и заклучокот на Градското собрание од ноември 2025 година, во кој се повикува градоначалникот да спречи употреба на фашистички и усташки симболи, вклучително и неонацистичкиот поздрав „За дом спремни“, и пресудата на Европскиот суд за човекови права во случајот Шимуниќ против Хрватска дека јавната употреба на тој поздрав не е заштитена со слободата на изразување бидејќи поттикнува омраза.
