„Од вчера, злото тероризам влезе во процес на своето завршување. Денес е нов ден, се отвори нова страница во нашата историја. Денес, вратите на големата, моќна Турција широко се отворија“, рече Ердоган. Околу 30 борци на ПКК вчера го запалија своето оружје во северен Ирак на симболична церемонија што го означи почетокот на крајот на деценискиот бунт против Турција.
🔥 Leaving violence and moving towards peace?🕊️
30 #PKK terrorists lit AK-47.Those who shed blood for years are now burning their weapons themselves…but has the fire in their hearts been extinguished❤️🔥 or is this just a pretense?🤔#Turkey #Kurdistan #Türkiye #terör #Süleymaniye pic.twitter.com/lRnxUelCpp— Sanjeev (@wing4destiny) July 11, 2025
Вчера, милитантите на ПКК, партија забранета во Турција, го предадоа своето оружје во северната ирачка покраина Сулејманија, ветувајќи дека ќе ја продолжат својата борба на легален и демократски начин, во потег што Турција го поздрави како конкретен чекор кон мир.
Тие најавија премин од вооружена борба кон политички ангажман, потврдувајќи ја својата посветеност на „слобода, демократија и социјализам на легален и демократски начин“.
Одржаната церемонија е дел од планот кон траен мир во пет фази. Ова следува по видеоповикот од 19 јуни на затворениот курдски лидер Абдула Оџалан и претходната изјава во февруари кога Оџалан ги повика своите борци да се разоружаат и да го прифатат политичкиот пат.
ПКК го објави своето распуштање во мај и ја повика турската влада да го ослободи Оџалан, кој од 1999 година се наоѓа во турски затвор на островот Имрали, и да преземе сериозни чекори кон политичко решение на курдското прашање. Повик беше испратен и до регионалните и меѓународните актери да го поддржат мировниот процес.
