Градоначалникот на Москва, Сергеј Собјанин, објави дека најмалку 21 украински беспилотно летало биле лансирани кон Москва. Собјанин додаде дека службите за итни случаи патуваат на местото на соборените дронови, без да спомене обемот на штетата.
💥Zelenograd (Moscow reg) pic.twitter.com/vwoujCbpJx
— ꑭOstap Vyshnya 🇺🇦 (@VyshnyaOstap) July 20, 2025
Руските Телеграм канали наведуваат, повикувајќи се на изјави на жителите, дека избувнал пожар во Зеленоград, град на 37 километри северозападно од Москва. Видеата објавени на социјалните мрежи покажуваат возила како горат во близина на станбена зграда. Нема веднаш информации за жртви или обем на штета.
На видеата од безбедносните камери што ги сподели рускиот Телеграм канал База, се чини дека остатоците од леталото удираат на горните катови на станбена зграда во Зеленоград.
На сите четири московски аеродроми беа воведени привремени ограничувања поради тековните напади. Дојдовните летови беа пренасочени кон аеродромот Пулково во Санкт Петербург поради нападите. Сите ограничувања за летови беа укинати околу 4 часот наутро по локално време.
Руското Министерство за одбрана тврди дека вкупно 93 украински беспилотни летала биле соборени во различни региони на земјата, вклучително и 19 над Московската област.
At night, drones attacked the Moscow region. In Zelenograd, a residential building was damaged as a result of the russian air defense system’s operation.
Explosions were also heard in Tula.
The carpet plan was implemented at all Moscow airports.
The russians claim to have shot… pic.twitter.com/DmnPV8FcYG
— Mila.Alien 🇺🇦 (@mila__alien) July 20, 2025
По месеци на зголемени руски напади со беспилотни летала врз украинските градови, вклучувајќи го и Киев, се чини дека украинската војска ги засили своите напори за напаѓање на руската престолнина. Нападите во текот на ноќта ја одбележуваат четвртата ноќ по ред во која што цел на нападите е руската престолнина. Московскиот регион се соочи со сличен напад претходната ноќ, кога украинската војска наводно лансираше 13 беспилотни летала кон Москва.
Киев ретко коментира за извештаите за напади со беспилотни летала во Русија, иако Украина редовно извршува напади врз воени и индустриски објекти на руска територија. Нападите врз Москва доаѓаат откако американскиот претседател Доналд Трамп му даде на Кремљ 50 дена да склучи мировен договор или ќе се соочи со „строги царини“.
Пред да ја објави понудата, Трамп наводно го прашал украинскиот претседател Володимир Зеленски за време на телефонски разговор дали Украина е способна да ја нападне Москва. Зеленски наводно одговорил дека таков напад би бил можен доколку САД го обезбедат потребното оружје.
Откако Фајненшл тајмс ја објави сторијата, Трамп им рече на новинарите дека Зеленски не треба да ја напаѓа Москва и дека САД немаат планови да ја снабдуваат Украина со ракети со долг дострел.
