Во објава на социјалната мрежа Икс, Сандерс ги наведе трошоците за војната. „Со 22,8 милијарди долари, би можеле да обезбедиме здравствено осигурување од Медикејд за 6,8 милиони деца, да изградиме 2,6 милиони јавни станбени единици, да ја финансираме програмата за предучилишна возраст „Предност“ за 1,3 милиони деца, да вработиме 240.000 наставници и да отпишеме 20.000 долари студентски долг за еден милион должници“, кажа тој.
Сандерс повика јавните услуги да бидат приоритет пред воените трошоци, бидејќи регионалните тензии ескалираат. Во друга објава на Икс, демократскиот сенатор кажа дека поради војната против Иран не смее да се заборави на оние на Западниот брег.
„За една година, повеќе од 36.000 Палестинци беа насилно раселени на Западниот брег, 240 од нив беа убиени, а регистрирани се повеќе од 1.700 напади од страна на израелски доселеници. Мора да ја прекинеме американската воена помош за (израелскиот премиер Бенјамин) Нетанјаху“, порача Сандерс.
As we focus on Iran and Lebanon, let’s not forget what’s happening in the West Bank.
In one year, more than 36,000 Palestinians were forcibly displaced and 240 were killed. There were over 1,700 attacks by Israeli settlers.
We must end U.S. military aid to Netanyahu.
— Bernie Sanders (@BernieSanders) March 18, 2026
Бројките за раселувањето, убиствата и нападите од еврејските доселеници се во согласност со неодамнешните извештаи на Обединетите нации и организациите за човекови права.
Соединетите Американски Држави и Израел спроведуваат заеднички напади врз Иран од 28 февруари, во кои досега се убиени околу 1.300 луѓе. Меѓу жртвите се поранешниот врховен лидер ајатолахот Али Хамнеи и бројни други високи политички и воени функционери.
Иран одговори на нападите со беспилотни летала и ракети, насочени кон Израел, Јордан, Ирак и земјите од Заливот каде што се наоѓаат американски воени објекти. Овие напади предизвикаа човечки жртви и материјална штета на инфраструктурата и ги нарушија глобалните пазари и воздушниот сообраќај.
