Портпаролката на Белата куќа Каролин Левит, го издаде најновото предупредување откако Иран изјави дека „развива рамка“ за напредок во разговорите со САД. Претседателот Доналд Трамп го предупреди и Лондон да не се „откажува“ од воената база во Индиски Океан, тврдејќи дека таа би била клучна во случај на напад врз Иран ако Техеран „одлучи да не постигне договор“.
Двете сопернички земји ја завршија втората рунда индиректни преговори во вторникот во близина на Женева со посредство на Оман, во контекст на засилено распоредување на американската војска во Персискиот Залив. По состанокот Техеран и Вашингтон посочија дека ќе продолжат со разговорите, но нагласија дека сè уште се далеку од премостување на јазот меѓу нивните позиции.
„Постојат многу причини и аргументи во корист на напад врз Иран“, кажа Левит, додавајќи дека „топло би му препорачала на Иран да постигне договор со претседателот Трамп“.
САД ќе го спречат Иран да добие нуклеарно оружје „на еден или друг начин“, предупреди претходно американскиот министер за енергетика Крис Рајт.
