Судијата Џон Хали пресуди дека „Катар ервејс“ имал должност да ги заштити патничките од ризикот од физички контакт или повреда. Тој заклучи дека прегледите, извршени без согласност на жените, претставуваат физички напад и незаконско лишување од слобода. Иако прегледите ги извршиле аеродромски полицајци, судот утврди дека авиокомпанијата имала контрола врз ситуацијата и требало да ги заштити своите патнички.
Инцидентот се случи во октомври 2020 година кога напуштено новороденче било пронајдено во тоалет на аеродромски терминал. Властите наредиле прегледи на жените на летовите што се подготвувале за полетување, вклучително и летот за Сиднеј на кој биле овие патнички. Жените биле симнати од авионот и однесени во амбулантно возило на пистата каде што биле подложени на гинеколошки прегледи за да се утврди дали некоја од нив неодамна се породила.
Судот го отфрли аргументот на „Катар ервејс“ дека не е одговорна за постапките на катарските власти. Во пресудата се наведува дека персоналот на авиокомпанијата бил активно вклучен во настаните што доведоа до инспекција.
На жените сега им претстои рочиште на кое ќе се одлучи за висината на надоместокот за претрпената траума и повредата на нивните права. Овој настан, во кој беа вклучени жени од десет различни летови, предизвика меѓународен дипломатски скандал и осуда од целиот свет.
