Авионот Боинг 777, кој полетал од Лондон во 22:43 часот синоќа, беше принуден да слета на аеродромот Нижневартовск во регионот Ханти-Мансијск во Русија. Според сервисот Флајтавер, авионот слетал околу 8:17 часот по локално време, односно околу пет и пол часа по полетувањето.
🇬🇧🇨🇳🇷🇺 A Boeing airplane flying the London — Beijing route made an emergency landing in Nizhnevartovsk.
“The Air China flight from Beijing to London decided to land at a reserve airfield in Russia due to a malfunction of one of the engines” — Rosaviatsia, Russians aviation… pic.twitter.com/xjBc6a2llT
— Lord Bebo (@MyLordBebo) August 26, 2025
Руската агенција за цивилно воздухопловство Росавијација го потврди инцидентот.
„За време на летот од Лондон до Пекинг, екипажот на авионот Боинг 777-300 на Ер Чајна одлучи да слета на алтернативен аеродром во Русија“, се вели во соопштението. Како прелиминарна причина е наведен дефект на еден од моторите, пренесува Ројтерс.
Агенцијата додаде дека „Ер Чајна“ ќе испрати резервен авион во Нижневартовск за да можат патниците да го продолжат патувањето до Пекинг во текот на денот. Редовниот лет ЦА856 помеѓу Обединетото Кралство и кинеската престолнина трае нешто повеќе од девет часа.
Passengers on the London–Beijing flight that made an emergency landing in Nizhnevartovsk (Russia) have been sitting on the plane for more than three hours.
The Air China Boeing 777-39L(ER) landed in the Russian city after one of its engines failed. According to the outlet Baza,… pic.twitter.com/MM4aT4hCNX
— Russian Market (@runews) August 26, 2025
Британското Министерство за надворешни работи (ФЦДО) во моментов ги советува своите граѓани да ги избегнуваат сите патувања во Русија поради безбедносните ризици поврзани со инвазијата на Украина. Сè уште не е познато колку британски државјани биле во авионот.
