На Блискиот Исток, корисниците на социјалните мрежи не го кријат гневот кон Западот, кој се обедини, дури и на социјалните мрежи, во осудата на Русија и кој од почетокот ѝ дава поддршка на украинската влада.
Nelson Mandela spells out who poses the biggest threat to humanity. Spoiler alert, it ain’t Russia. pic.twitter.com/EjpDXKXWBS
— Chris Williamson (@DerbyChrisW) March 5, 2022
„Злосторникот број еден во светот се САД и не би требало да покажуваат со прст кога тие убиваа невини за да ја оправдаат својата моќ. Во сите војни, никогаш не се соочувале со вистински војници/борци и победиле. Последен беше Авганистан“, гласи еден од коментарите.
Која е причината за коментарите против Соединетите Американски Држави?
Инвазијата на Ирак
Треба да се потсети дека арапскиот свет има посебен однос кон Вашингтон.
Многумина уште се сеќаваат на инвазијата на Ирак во 2003 година, кога САД ја почнаа инвазијата барајќи наводно оружје за масовно уништување, кое никогаш не беше најдено.
Why we got ignored?
Because we are not as white as Europeans are, and we don’t have blue eyes
But most importantly, We are Muslims ☪️#الحرب_الروسيه_الاكرانيه pic.twitter.com/7RQHGTUa7m
— Mister Prince (@NoOne77773711) March 5, 2022
Во таа војна загинаа најмалку 184.000 цивили во Ирак, стотици илјади ги загубија своите домови, а од војната разурнатата земја и понатаму се мачи да го обнови уништеното.
Војната во Сирија
Не така одамна, во 2017 година САД, со Британија и Франција учествуваше во граѓанската војна во Сирија.
Во текот на четири месеци, Вашингтон фрли околу 10.000 бомби на густо населената Рака, која тогаш беше престолнина на калифатот. Но, во интервенцијата беше бомбардиран и Дамаск, а тогашниот претседател на САД Доналд Трамп кажа дека нападот е извршен „како силно средство за одвраќање од производството, ширењето и употребата на хемиското оружје“.
This pic make sense#الحرب_الروسية_الأكرانية pic.twitter.com/E3S4dvAAw5
— Eslam SI Mash (@HKJuser134) March 3, 2022
Причината за гневот меѓу луѓето на Блискиот Исток е и односот кон бегалците од Украина.
Известувањето за конфликтот во Украина за нив е неприфатливо, дури како последица го гледаат и тоа што повеќе значење им се дава на тие бегалци, отколку на тие од арапските земји поради бојата на кожата.
Токму на тоа се посветени многу карикатури на социјалните мрежи.
Hypocritical world#الحرب_الروسية_الأكرانية pic.twitter.com/s90kSJfZRZ
— Amani Wehbi (@amaniwehbi242) March 4, 2022
