Ова би било првпат актуелен претседател да се појави на валутата, бидејќи досега банкнотите традиционално ги носат потписите на министерот за финансии и државниот благајник, а не на претседателот, вели АП.
Планот доаѓа во време кога се разгледуваат и други начини за вклучување на Трамп во националните симболи, вклучително и иницијатива неговиот лик да се најде на монета — што предизвика критики, бидејќи американските закони забрануваат прикажување жив претседател на валута.
Од Министерството наведуваат дека додавањето на потписот е дел од одбележувањето на 250-годишнината на САД, а на банкнотите ќе стои и потписот на министерот за финансии Скот Бесент.
Потегот веќе наиде на политички реакции. Критичарите сметаат дека е несоодветен, особено во период кога граѓаните се соочуваат со раст на цените и економски притисоци, делумно поврзани со војната со Иран.
Експертите оценуваат дека одлуката веројатно ќе предизвика дополнителни политички спорови, но не е јасно дали ги прекршува законските правила, бидејќи Министерството има одредени овластувања во дизајнот на валутата.
