„Објавувањето на Анкетата за слободни работни места и промена на работната сила за декември 2025 година, податоците за вработување и невработеност во метрополите за декември 2025 година и извештајот за состојбата со вработувањето за јануари 2026 година ќе бидат одложени сè додека не се обнови финансирањето од владата“, изјави преку е-пошта Емили Лидел, помошник-комесар на Канцеларијата за публикации и специјални студии во БЛС.
Пред блокадата најновиот извештај на ЏОЛТС, податоците за вработување во метрополите и извештајот за работни места требаше да бидат објавени во вторник, среда и петок. Лидел потврди дека објавите ќе бидат одложени откако ќе се обезбеди финансирање.
Делумната блокада на американската влада се случи на 31 јануари откако пратениците не успеаја да постигнат договор за финансирање. Политичкиот застој беше предизвикан од спорот околу спроведувањето на имиграциските закони од страна на Министерството за внатрешна безбедност во Минесота, поточно откако федералните агенти ги убија американските граѓани Рене Никол Гуд и Алекс Прети.
Демократите во Сенатот објавија дека ќе го блокираат законот на Претставничкиот дом освен ако не се направат неколку реформи во Министерството за внатрешна безбедност (ДХС) или финансирањето на Министерството не се издвои во посебен закон, што би барало ново гласање во Претставничкиот дом.
Не се очекува повторно воспоставување на работата на владата пред вторник, кога клучните гласања за пакетот за финансирање се закажани во Претставничкиот дом.
Најновиот прекин на финансирањето доаѓа во време кога БЛС и другите федерални статистички агенции сè уште се опоравуваат од претходната, историска 43-дневно блокада кое траеше до октомври и почетокот на ноември. Податоците што ќе бидат објавени оваа недела се клучни за увид во состојбата на американскиот пазар на трудот по годината со најслаб раст на вработеноста од 2003 година, со исклучок на рецесиските периоди.
