Според судската покана, од Бонди се бара да сведочи под заклетва пред Одборот за надзор на Претставничкиот дом на 14 април. Министерството за правда сè уште не одговорило на барањето за коментар. Бонди и нејзиниот заменик Тод Бланш утре треба да одржат посебен, затворен брифинг за членовите на одборот.
Бонди се соочува со обвинувања дека Министерството за правда прикривало имиња на моќни соработници на Епстин при објавувањето на милионите документи поврзани со починатиот финансиер. Епстин одржувал блиски врски со влијателни политички и бизнис лидери и пред и по неговата пресуда за подведување малолетничка во 2008 година.
Тој повторно беше уапсен во 2019 година и почина во затвор додека чекаше судење по федерални обвиненија за трговија со луѓе, а неговата смрт беше прогласена за самоубиство. Пратениците се жалат дека редактираните делови од досиејата на Министерството за правда излегуваат од рамките на ограничените исклучоци дозволени со законот кои Конгресот го донесе речиси едногласно во ноември.
Министерството одби да објави и голем дел од материјалите, повикувајќи се на законска доверливост. Бонди кажа дека повеќе од 500 адвокати на Министерството за правда работат под висок притисок и кратки рокови за да го разгледаат огромното количество материјал.
Случајот Епстин ја следеше Бонди во текот на нејзиниот мандат како шефица на Министерството за правда во администрацијата на Трамп. Некои поддржувачи на Трамп ја обвинија за прикривање минатата година, откако Министерството за правда објави дека првично нема да објави материјали поврзани со истрагата за Епстин.
Тоа повторно го доведе поранешното пријателство на Трамп со Епстин под лупа. Трамп тврди дека ги прекинал врските со осудениот педофил години пред неговата пресуда во 2008 година и постојано повторува дека не видел докази за трговија со луѓе. Властите никогаш не го обвинија за кривичните дела поврзани со Епстин.
