УСТР во објава на социјалната мрежа икс ја обвини ЕУ и некои од нејзините држави членки за „дискриминаторски и вознемирувачки тужби, даноци, казни и директиви против американските услуги“, а во исто време кажа дека давателите на услуги од ЕУ „работат слободно“ во Соединетите Американски Држави, посочувајќи ги Асенчр, ДХЛ, Сименс и Спотифај, меѓу другите.
„Доколку ЕУ и нејзините држави членки инсистираат на продолжување на ограничувањето и спречувањето на конкуренцијата на американските даватели на услуги преку дискриминаторски средства, САД нема да имаат друг избор освен да почнат да ги користат сите алатки што им се на располагање за да се спротивстават на овие неразумни мерки“, напиша УСТР.
Заканата доаѓа откако регулаторите на ЕУ претходно овој месец ја казнија платформата за социјални медиуми Икс на американскиот милијардер Илон Маск. „Доколку се потребни мерки за одговор, американскиот закон дозволува, меѓу другото, проценка на такси или ограничувања за странски услуги“, се вели во соопштението на УСТР.
Европската комисија го казни Икс со 120 милиони евра за кршење на правилата за транспарентност, во согласност со Законот за дигитални услуги. Два дена подоцна, социјалната мрежа ја суспендираше рекламната сметка на Европската комисија, а сопственикот Илон Маск ја спореди Унијата со нацистичка Германија.
ЕУ појасни дека казната е изречена затоа што платформата ги довела во заблуда корисниците, ги криела податоците од истражувачите и не ги документирала транспарентно рекламите. Трамп претходно ја критикуваше казната изречена од технолошките регулатори на ЕУ за платформата X. „Европа се движи во погрешна насока“, оцени тој.
