Владата нагласува дека приоритетите за периодот 2026-2028 година ќе бидат модернизација на воената инфраструктура, опремување на копнените сили со оружје на НАТО и зајакнување на технолошките системи, пишува Албанијан пост.
Албанија планира и да учествува повеќе во операциите на Алијансата и да продолжи со својот ангажман во меѓународните мисии и цивилните вонредни состојби.
Самитот на НАТО во Хаг во јуни ја потврди посветеноста на членките за зголемување на воените трошоци на пет отсто од БДП во текот на следната деценија, а Албанија веќе презема чекори за да ја исполни таа цел.
Министерот за одбрана Пиро Венгу кажа дека инвестицијата ќе послужи и за економски развој преку развој на воена инфраструктура која има и цивилни примени. Албанските власти преговараат со меѓународни компании за инвестиции во производството на тешка артилерија, лесно оружје, муниција, оклопни возила и воени униформи.
