За време на телефонскиот разговор во неделата Нетанјаху изразил резерви во врска со можно примирје со Иран, предупредувајќи дека тоа може да носи стратегиски ризици, изјави израелски функционер за Аксиос.
Сепак, Трамп му кажал на Нетанјаху дека може да се постигне примирје со Иран ако Техеран се согласи на барањата на Соединетите Американски Држави. Тој повтори дека барањата на Вашингтон вклучуваат Иран да го предаде целиот свој збогатен ураниум и да се обврзе да не продолжува со збогатување ураниум, кажа изворот.
Во меѓувреме, Нетанјаху денес на социјалната мрежа Икс кажа дека разговарал со Трамп во неделата и го пофалил она што го нарекува херојска операција за спасување на американскиот пилот, додека Трамп изрази благодарност до Израел за неговата помош.
I spoke earlier with President @realDonaldTrump and personally congratulated him on his bold decision and a perfectly executed American mission to rescue the downed pilot from enemy territory.
The President expressed his appreciation for Israel’s help.
I am deeply proud that…
— Benjamin Netanyahu – בנימין נתניהו (@netanyahu) April 5, 2026
Израелскиот премиер додава дека Трамп го пофалил Израел како стабилен, решителен и цврст сојузник и рекол дека двете земји продолжуваат да го ослабуваат иранскиот режим на терор.
Во војната на САД и Израел против Иран, која ја почнаа на 28 февруари, досега се убиени најмалку 1.340 луѓе, вклучувајќи го и тогашниот врховен лидер Али Хамнеи. Иран возврати со напади со беспилотни летала и ракети насочени кон Израел, Јордан, Ирак и земјите од Персискиот Залив кои се домаќини на американски воени капацитети.
