Претходно адвокатите на АфД испратиле правно предупредување до Сојузната канцеларија, барајќи до денес, 5 мај во 8 часот, да ја повлече одлуката за промената на статусот на партијата. Потоа АфД соопшти дека, во случај да не се исполни барањето во предвидениот рок, ќе поднесе тужба.
„АфД во понеделникот наутро поднесе тужба до управниот суд во Келн, барајќи забрзано разгледување на случајот против класификацијата на партијата како екстремно-десничарска од страна на Сојузната канцеларија за заштита на уставот“, се наведува во соопштението.
Во петокот, 2 мај, Сојузната канцеларија за заштита на уставот на Германија ѝ додела статус на екстремно-десничарска партија на територијата на целата земја на АфД. Оваа одлука овозможува проширување на средствата за надзор над партијата и се смета за еден од прелиминарните чекори за нејзина забрана. Во неколку неодамнешни анкети АфД го престигна блокот на Христијанско-демократската и Христијанско-социјалната унија, кој победи на вонредните избори.
