Жртвите на нападите и кражбите биле одбирани по случаен избор, но сите биле малолетници или млади на возраст од 14 до 20 години, а ниту еден од нив немал имигрантско потекло, пренесува Јле.
Како што е соопштено, сомнителните кривични дела се случувале и пред трговски центри, каде што жртвата ја опкружувале од 15 до 20 осомничени, поради што жртвите не можеле да се бранат.
Нападите биле снимани, а некои од жртвите биле плукани или биле принудувани да ја соблечат облеката, наведува полицијата.
Во неколку случаи, жртвата била соборена на земја, удирана со тупаници и клоци, а некои жртви на грабежите и нападите добиле тешки повреди.
Во соопштението се наведува дека сомнителните кривични дела најчесто се случувале на места каде што младите поминуваат време за време на викендите, како и дека досега се истражени 25 кривични пријави поврзани со вакви напади и кражби.
