Шумските пожари се меѓу најлошите во историјата на Јужна Кореја, предизвикувајќи „невидена штета“ и ги надминуваат сите прогнозирани модели, рече привремениот претседател Хан Дак Су.
Илјадници пожарникари се борат со повеќе од десетина пожари во југоисточниот дел на земјата од викендот.
Евакуирани се повеќе од 23.000 луѓе, а оштетени се и неколку културни локации, меѓу кои и будистички храм стар 1.300 години, кој е целосно уништен.
1000 year old Temple consumed by wildfire
Thousand-year-old Unramsa Temple on Cheondeungsan Mountain South Korea, was completely destroyed by a forest fire yesterday. It quickly spread due to strong winds, burning down both the main building and its outbuildings.
“Before the… pic.twitter.com/X5Bk6aTjUy
— Volcaholic 🌋 (@volcaholic1) March 23, 2025
Како одговор на ситуацијата, Хан во средата објави дека нивото на безбедност се подига до максимум и прогласи „целосен национален одговор“.
„Шумските пожари што горат веќе пет дена во Улсан и во регионот Гјеонгсанг предизвикуваат невидена штета“, рече Хан, додавајќи дека тие се шират на начин што „ги надминуваат сите постоечки модели на прогнозирање“. Состојбата со пожарите ја влошува сувото и ветровито време.
Противпожарен хеликоптер се урна вчера попладне во планините на округот Ујсеонг, потврдија властите. Причината за несреќата сè уште е под истрага.
❗️🇰🇷 – At least 16 people have died in wildfires across South Korea as of March 25, 2025.
A massive fire that started in Uiseong, North Gyeongsang Province, has been spreading for four days, reaching Andong, Cheongsong, Juwangsan National Park, Yeongyang, and Yeongdeok.
The… pic.twitter.com/2PfbUdhwu6
— 🔥🗞The Informant (@theinformant_x) March 25, 2025
Илјадници пожарникари и околу 5.000 воен персонал се распоредени на теренот во обид да ги ограничат пожарите, а распоредени се и хеликоптери од американската војска стационирана во Кореја.
Националната агенција за пожари ја подигна состојбата на готовност на највисоко ниво за одговор на пожари во вторникот.
Шумските пожари се релативно ретки во Јужна Кореја, а смртните случаи поврзани со нив се уште поретки. Сепак, пожарите кои беснеат последните денови однесоа 23 животи и веќе се најсмртоносните во историјата на земјата.
Уништени се и околу 17.000 хектари шума, што ги прави овие пожари трети по големина во историјата на Јужна Кореја во однос на погодената површина.
Пожарот кој беснее во градот Уисеонг го уништи храмот Гунса, изграден во 618 година, кој беше еден од најголемите во провинцијата.
Будистичка структура од династијата Чосеон (1392–1910), прогласена за национално богатство, исто така е уништена, потврдија властите.
Пожарите прво избувнаа минатиот петок во округот Санчеонг на југоисточниот дел на земјата, а потоа се проширија во соседните градови Уисеонг, Андонг, Чеонгсонг, Јеонгјанг и Јеонгдеок.
