„Затоа го организиравме протестот и ќе следуваат протести и понатаму доколку не се уважат нашите барања – адекватно зголемување на платата спрема трошоците на живот. Имаше покачување на платите за 30 отсто за дел од Министерството за финансии. Незадоволството е големо, не само во судскиот систем, туку и пошироко“, изјави Ристевски.
Јасмина Величкова, претседателка на Независен синдикат на судска служба, изјави дека бараат покачување на платите за судската служба од 30 отсто, исто како за вработените во Министерството за финансии, и да продолжи исплата на додаток на плата од минимум 25 проценти која, рече, е прекината кога на функционерите им се зголемени платите за 78 проценти.
Кривичен суд утрово соопшти дека го поддржува протестот на судската администрација.
