вторник, 5 март 2024
Куп на Македонија

Струга ТЛ против Македонија ЃП во финалето од фудбалскиот куп

Објавено на

часот

Сподели

Во регуларниот дел, Македонија ЃП по 12 минути игра поведе преку Личина, а Наско Милев израмни во 65-та минута, но тетовци колку и да се обидуваа и да вршеа притисок, не успеаа да направат пресврт на мечот, па на крај рулетот од белата точка реши сѐ. А него го добија ѓорчепетровци со 4-3.

Македонија ЃП беше на раб на елиминација откако Давор Талески во четврттата серија му го одбрани ударот на Јаго Да Силва при 3-2, па Љупчо Дориев ја имаше „меч топката“ за финале, но го промаши цел гол, а откако Самир Фазли израмни, Камер Ќака во следната серија повторно промаши погодувајќи пречка, па Самаке со голот донесе радост за „лавовите“.

Мишевски и Алексовски дадоа голови, а Есмин Личина промаши кај Македонија ЃП во рулетот, додека Чинари утна во првата серија, а Милев, Шаља и Тотре ги реализираа трите пенали за Шкендија, која и по 2018 година не може да дојде до финале во Купот.

Актуелниот лидер, Струга Трим Лум се пласираше во своето прво историско финале откако со 1-0 го совлада тимот на Силекс.

Меџит Незири во 65-та минута беше јунакот на Струга, со голот после корнер на Валентин Кочоски за да го матира дотогаш несовладливиот екс-репрезентативец Даниел Божиновски, кој сѐ што шутнаа стружани во повеќе од еден час игра им го одбрани.

ТОП ВЕСТИ

ПОСЛЕДНИ ВЕСТИ