вторник, 28 мај 2024

Столтенберг: Ситуацијата на бојното поле во Украина е сериозна, итно е потребна помош од НАТО

Ситуацијата на бојното поле во Украина е сериозна и затоа ѝ е потребна итна помош во оружје и муниција, но и подолгорочно решение кое би обезбедило сигурна и предвидлива поддршка, изјави денеска генералниот секретар на НАТО, Јенс Столтенберг.

Фото: ЕПА

Објавено на

часот

Сподели

„Ситуацијата е сериозна и токму затоа има итна потреба од поголема помош за Украина“, рече Столтенберг на прес-конференција по состанокот на министрите за надворешни работи на НАТО.

Тој додаде дека се можни две сценарија – едното е НАТО да даде поголема помош за Украина да ја врати изгубената територија, а другото НАТО да не го стори тоа и во тој случај постои опасност Русија да освои уште повеќе територии. „Тогаш ќе бидеме во уште поопасна позиција“, истакна Столтенберг.

Во исто време со итна краткорочна помош, неопходно е да се обезбеди потрајна структура преку која помошта за Украина би се обезбедувала на подолг рок и попредвидлив начин, изјави генералниот секретар на НАТО.

Столтенберг предложи пакет од 100 милијарди евра за помош на Украина во период од пет години, но не се познати детали како ќе се пополни овој фонд.

Целта е да се постигне консензус до самитот на НАТО во јули во Вашингтон, а доколку тоа не успее, тогаш шефовите на држави или влади би одлучувале за тоа на самитот. Во меѓувреме, во мај во Прага ќе се одржи неформален состанок на министрите за надворешни работи на кој повторно ќе се разговара за подготовките за самитот.

Столтенберг ги поздрави неодамнешните најави на одредени земји за нова помош за Украина, која вклучува речиси 600 милиони евра од Германија за чешката иницијатива за набавка на артилериски гранати, десет илјади дронови од Велика Британија, проектили и оклопни возила од Франција и нов пакет помош од Финска вреден 188 милиони евра.

Запрашан за коментар за изјавата на портпаролот на Кремљ Дмитриј Песков дека членките на НАТО се вклучени во конфликтот во Украина во директна конфронтација со Русија, Столтенберг рече дека тоа не е точно. „Немаме никакви планови за испраќање борбени сили во Украина, ниту некој тоа го побарал“, рече Столтенберг.

ТОП ВЕСТИ

ПОСЛЕДНИ ВЕСТИ