недела, 21 април 2024

Столтенберг: Путин ја започна војната со една цел. Сега е јасно дека не успеа (ВИДЕО)

Генералниот секретар на НАТО Јенс Столтенберг денеска на втората годишнина од почетокот на руската инвазија ги повика Украина и нејзините сојузници „да не губат надеж“.

Епа

Објавено на

часот

Сподели

„Ситуацијата на бојното поле е сè уште многу тешка, целта на претседателот Владимир Путин да доминира во Украина не е променета, нема индикации дека тој се подготвува за мир“, изјави Столтенберг во снимената порака.

„Но, не треба да губиме надеж. Украина многупати покажа исклучителни способности и силна решителност“, рече тој во пораката објавена на порталот на НАТО.

Сега слабо опремените украински трупи се борат да ја задржат линијата на фронтот, а неизвесноста околу континуираната поддршка на САД продолжува бидејќи новиот пакет помош за Украина е блокиран во Конгресот.

Столтенберг ги потсети земјите од НАТО на неодамнешните ветувања за воена помош од „повеќе милијарди долари“.

Тој рече дека Москва ја започна војната со цел да ја „затвори вратата на НАТО“ за Украина, ускратувајќи ѝ го правото да го избере својот пат.

„Но, се случи токму спротивното, Украина е поблиску до НАТО од кога било“, рече тој.

Столтенберг рече дека Украина ќе влезе во НАТО и дека „прашањето не е дали ќе се приклучи, туку кога“.

„Додека ве подготвуваме за тој ден, НАТО ќе продолжи да биде со вас, поради безбедноста на Украина и нашата безбедност“, изјави тој.

Неколку светски претставници денеска дојдоа во Киев за да покажат поддршка за втората годишнина од почетокот на војната. Меѓу нив се претседателката на Европската комисија, Урсула фон дер Лаен, премиерката на Италија, Џорџа Мелони, кој ќе претседава со виртуелниот состанок на земјите од Г7 за Украина во Киев, и премиерите на Белгија и Канада, Александар де Кроа и Џастин Трудо.

ТОП ВЕСТИ

ПОСЛЕДНИ ВЕСТИ