среда, 29 мај 2024

Стоилковски: Зад шемата за фалсификување документи злоупотребени се државни институции

ВМРО-ДПМНЕ има основано сомневање дека зад мрежата за фалсификување на документи и лажни вести кои веќе се употребуваат против партијата се брутално злоупотребени најмалку две државни институциии, кажа денеска на прес конференција портпаролот на ВМРО-ДПМНЕ, Наум Стоилоковски.

Објавено на

часот

Сподели

„Шемата и нашите основани сомневања се дека зад ова седи директно Стево Пендаровски, неговиот директор на разузнавање Еролд Муслиу како и поранешниот разузнувач, а сега генерален секретар на СДС Миле Зечевиќ. Дел од ова е и Асаф Еисин, мешетар, дел од израелска група на Тал Ханан за која има истраги за фалсификати и вмешаност во избори низ светот. Да потсетиме Стево Пендаровски кажа дека Асаф работи за СДС, а СДС тоа го негираше. Посредник е Миле Зечевиќ, генерален секретар на СДС, а главни одобрувачи и добавувачи се Стево Пендаровски, претседател на држава, сега кандидат на СДС,  и Еролд Муслиу, директор на Агенцијата за разузнавање поставен од Стево Пендаровски. Оттука свесни за изборниот дебакл, се преминува во злоупотреба на институции, Кабинет на Претседателот и Агенцијата за разузнавање, кои што наместо да работат во одбрана на Македонија, се занимаваат со црна кампања и фалсификување за Стево Пендаровски“, кажа Стоилковски.

Според него, заедничка работа на овој тим управуван од Асаф Еисин, со одобрување на Пендаровски е да склопат и креираат наводни документи, фалсификувани листови, врз определени податоци, како на пример седницата на Иззвршниот комитет на ВМРО-ДПМНЕ во декември, на која е споменат Републичкиот иззборен штаб па сето тоа да го зачинат, со лажни податоци за имиња, насоки и сето тоа со фалсификување на потписи на лица коишто се познати во јавноста, како и со лица кои што не постојат.

„Ваквите креирани документи, вклучувајќи и наратив, приказна, се дава на определени медиуми креирани од СДС до СДС, или медиуми кои не гледаат проблем во црни пари во кампања. Приказната добива покритие под ‘свиркач’, за СДС потоа правно да се сокрие од улогата креатор на фалсификувани документи и лажни вести во изборни цели. Потврда за сето ова е молкот од СДС по потврдата од Стево Пендаровски за ангажманот на мешетарот Асаф Еисин во изборната кампања, а во меѓувреме во јавноста излегуваат неговите зафати. Има уште една потврда, а тоа е дека ликот во центарот на оваа мрежа Асаф Еисин, е избркан од ВМРО- ДПМНЕ, каде што дојде да ги понуди своите нечесни услуги, да се прават фалсификати, да се влегува во приватниот живот на луѓето, да се прават измислици за политичките противници. Сега е јасно дека СДС го прифатиле Асаф и ја прифатиле неговата работа“, рече Стоилковски.

Како што кажа тој, СДСМ мора да одговори колку чини ангажманот на Асаф, кој го плаќа, дали има склучено договор, или не, и дали се плаќа со кеш од тендерите од РЕК Битола.

„Црна кампања не носи никому ништо добро, целта им е да намалат пораз, да намалат дебакл, со смалена излезност на јавноста. Но, ова не е само црна кампања со клевета, ова се кривични дела фалсификување на документи и фалсификување на потписи. И Еролд Муслиу, и Стево Пендаровски како Миле Зечевиќ а и нивниот извршител Асаф треба да знаат дека за ова ќе има одговорност. За брзо време од сега ќе следи одговорност“, рече Стоилковски на денешната прес конференција.

ТОП ВЕСТИ

ПОСЛЕДНИ ВЕСТИ