сабота, 20 април 2024

Стоилковски: АСЈО го крши Изборниот законик со вработувања

Ова е класично прекршување на изборниот закон од Академијата за судии и јавни обвинители (АСЈО) која треба да биде пример за владеењето на правото. По сила на закон во сите државни институции, јавни претпријатија и општини, сите постапки за вработување се ставени во мирување по сила на изборниот законик, изјави Наум Стоилковски, портпарол на ВМРО-ДПМНЕ.

Објавено на

часот

Сподели

Дали за директорката Габер Дамјановска е поважно владеењето на правото од желбата на внуката на Рамиз Мерко, Ерканда Баута, да стане обвинителка во струка со незаконито полагање на тест во изборен период?!

Дали Александар Глигоров, син на Емил Глигоров, претседател на судот во Струмица од СДСМ, со ваков писмен наместо електронски испит ќе има максимални 100 поени?
Дали Дитмире Шеху, член на ДИК од ДУИ, ќе има 100 поени на писмениот тест?
Може и Фуркан Фета, асистент на ДУИ во Собранието и близок пријател до раководството, ќе освои 100 поени на ваков тип на полагање.

Секако и Дарко Герамитчиоски, советник на СДСМ во Општина Прилеп, веројатно ќе има 100 поени на писмен тест прегледуван од човек, наместо електронски.
Апелираме до ДКСК да го спречат ова прекршување на изборниот законик од страна на Академијата за судии и обвинители, бидејќи решавањето на овој предмет ќе биде и тест за интегритетот на Антикорупциската комисија која има должност да го заштити изборниот законик.

Дополнително, ќе се остави време да се исправи актуелната состојба, наместо електронското полагање, писменото полагање на квалификацискиот тест. Тоа сега значи човечко влијание, можност за манипулации, дополнително одговарање од страна на трето лице на неодговорените прашања и доделување на максимум поени на кандидати кои се доведуваат во врска со власта и дополнително се руши интегритетот на правниот систем во Македонија.
Тоа е недозволиво. Такво тонење мора да има крај“, рече Стоилковски.

ТОП ВЕСТИ

ПОСЛЕДНИ ВЕСТИ