Пејачот на Аеросмит, кој конечно ги потврди шпекулациите дека ќе се венча со Ерин Брејди, има ноторно диво минато, но неговата партнерка, со која е веќе седум години, тврди дека во почетокот на нивната врска таа кажала дека нема да го толерира неговото измамничко однесување.
„Јас му кажав, ‘Еј слушај, ако сакаш да си играш, и јас ќе си играм’. Нему не му се допадна другата страна на тоа сценарио“, вели Ерин.
Двапати женетиот 63-годишен Стивен призна дека се срами од своето однесување во минатото и жали за нервозите што им ги предизвикувал на поранешните жени Синтија Фокс и Тереза Барик.
„При сите мои разводи, длабоко ги повредив девојките и се срамам од тоа. Никогаш повеќе не сакам да повредам никого…“, изјави рокерот во шоуто на Опра Винфри.
„Можеби изгледам како сексуално животно, што и сум кога сум на сцена. Но тоа не сум вистинскиот јас. Пеам за тоа, изгледам така, но не сум тоа. Би сакал да тргнам во сексуален поход и да ја легнам секоја девојка што сака да ме има, кој не би го направил тоа? Но нема. Ја сакам Ерин за себе, и ќе направам сѐ што се бара од мене“.