Творбите може да бидат есеи, проза, поезија или драмски текстови, а како автори може да се јават сите граѓани кои творат на македонски јазик, без возрасни ограничувања.
Книжевните дела треба да бидат напишани на темите инспирирани од стиховите на двајцата македонски поети и тоа „Вечноста од мене до твојата небиднина“, „Модар јаглен гори во утробата на зборот“ и „Да бидеме подобри од црвеното срце на лебот“ на Шопов и „Ќе може ли песната да го памети поетот во времето – море, без почеток и крај?“, „Ќе ги најдеме ли клучевите за тајните двери и ковчези додека животот невидливо поминува?“ и „Писмото – сономорје, соноглед и крик“ од Карајанов.
Конкурсот трае од 1 до 30 јуни, а текстовите потпишани со шифра може да се испратат на и-мејл: [email protected] или по пошта на адреса: ЈОУ Библиотека „Гоце Делчев“ – Гевгелија, ул. „Васо Карајанов“ бр. 1, 1480 Гевгелија.
