Многумина веруваат дека Манчестер Сити е најдобриот тим во Европа во овој момент, на добар пат се до историска тројна круна, Интер е последната пречка во финалето во Лигата на шампиони.
„Граѓаните“ влегува како фаворити на мечот во Истанбул, избраниците на Пеп Гвардиола не само што играат на високо ниво, стратегот на располагање има квалитетен и широк состав.
Само за споредба, стартниот тим на Интер чини исто колку и Џек Грилиш, за кого Манчестер Сити плати околу 117 милиони евра (100 милиони фунти).
Најскап трансфер во првите 11 на „нероаѕурите“ е Барела за кого беа платени 35 милиони евра, а од поскапите засилувања се Бастони (31 милион евра) и Лаутаро Мартинез (25 милиони евра).
Дамфрис чинеше 14 милиони евра, по 5 милиони евра беа одвоени за Димарко и Брозовиќ, за Дармијан беа платени 3,3 милиони евра а за Џеко 2,8 милиони евра.
Онана и Џалханоглу пристигнаа во Милано беспари, додека пак Ачерби е на позајмица од Лацио.
