„Во Вашингтон, на средба со Македонија 2025, ја истакнуваме нашата посветеност кон подобра иднина. Без разлика дали сме дома, во Европа или во САД, борбата секогаш е насочена кон создавање подобри услови за живот и посигурна иднина за сите“, напиша Мицкоски во објавата.
Мицкоски во Вашингтон присуствуваше на инагуруацијата на американскиот претседател Доналд Трамп. Покрај инаугуративните активности, тој оствари средби и со истакнати личности од американскиот политички, општествен и економски живот.
„Заедно со претседателот на Републиканската партија на САД, Мајкл Ватли во вип-ложата во Вашингтон ги следиме инаугуративните активности на новиот американски претседател, Доналд Џ. Трамп“.
Вака напиша премиерот Христијан Мицкоски на Фејсбук и објави фотографии со Ватли од настаните по инаугурацијата на Трамп.
Мицкоски е единствен лидер од Балканот на инаугурацијата. Тој оствари бројни средби со луѓе од новата американска администрација и бизнисмени блиски до Трамп, меѓу кои Ричард Гренел, Девин Нунес, Џон Битов, Марко Галина бизнисмен Крис Павловски.
