Еден од хероите на победата беше Оливие Жиру кој го даде првиот гол на стартот на средбата во Белград. По натпреварот француската легенда имаше тура низ клупските простории и стигна до ѕидот со фотографии од златната генерација која беше европски првак.
Жиру застана пред фотографиите, а окото му го зафати славјето на Дарко Панчев кој го даде решавачкиот гол во финалето на Купот на шампионите во пенал-серијата. Тој не ја препозна македонската „кобра“ и праша: „Кој е тој?“.
Присутните му објаснија дека станува збор за Дарко Панчев, а му кажаа и дека потоа заиграл за Интер, клубот кој му беше градски ривал додека настапуваше за Милан.
