За време на мечот меѓу Куманово и МЗТ Скопје, домашните навивачи влегоа во теренот и го нападнаа нивниот кошаркар, Тадија Тадиќ, се обидоа да му до соблечат дресот. Тогаш дојде до мешаница на многумина инволвирани, а реакцијата на полицијата спречи поголем инцидент.
За овој голем инцидент, КФСМ изрече и голема казна за Куманово, која е поделена по три основи.
„Настап без публика на домашен терен (1) натпревар – плејоф, втор натпревар против Работнички и 16.000 денари, согласно членот 55.13 од Пропозициите за натпреварување во сениорските лиги
Настап без публика на домашен натпревар, два натпревари од сезоната 2025/26 и 32.000 денари согласно 55.8 од пропозициите за натпреварување во сениорските лиги.
Настап без публика на домашен терен еден натпревар за сезоната 2025/26 и парична казна од 325.000 денари согласно членовите 15.4 и 15.2 од Дисциплинскиот правнилник на КФСМ“.
Збирно, Куманово ќе одигра четири меча без публика и ќе плати 400.000 денари.
