Македонија со голема надеж замина на мечот во Данска, но одигравме лош меч и со тежок пораз заминува од таму. Неславно селекторско деби на Гоце Седлоски.
Македонската репрезентација не одигра речиси ништо. Во првото полувреме се браневме, Данска напаѓаше, но Столе Димитриевски го чуваше нашиот гол. Работите се променија во вториот дел.
По само четири минути игра во второто полувреме Данска го отвори резултатот. Несмасна интервенција на нашата одбрана која ја искористи Дамсгард и лесно ја смести топката во нашата мрежа.
— goals (@StefanDaskalov5) March 26, 2026
Девет минути подоцна веќе беше 2-0 за Данска, Дамсгард овојпат беше во улога на асистент, додаде до Исаксен кој ни даде гол и ја дуплираше предноста на домаќините.
— goals (@StefanDaskalov5) March 26, 2026
Не се ни разбудивме од примениот гол, а Димитриевски веќе по третпат ја вадеше топката од мрежата, Исаксен пак ни даде гол, Данска поведе со 3-0.
— goals (@StefanDaskalov5) March 26, 2026
Конечниот резултат беше поставен на 15 минути пред крајот кога Ериксен изведе корнер, Димитриевски беше добро блокиран, топката ја удри Норгард за водство на Данска од 4-0.
— goals (@StefanDaskalov5) March 26, 2026
Овој пораз го згасна мундијалскиот сон за Македонија, за пет дена ќе треба да играме со Чешка во Прага, меч кој ќе нема никакво значење.
