Клубот од Охрид остана без девет поради тоа што реши да го напушти натпреварот против Вардар во минатото коло, па во знак на револт од одлуката на Дисциплинската комисија при ФФМ, Воска Спорт реши да не ја доигра сезоната.
„Ова раководство на ФФМ не дозволува рамноправна трка за сите учесници во македонското првенство и покрај тоа што водат кампања за „фер-плеј“. Направија се за да не отстранат од ова првенство, а единствена причина е, се чини, тоа што сме албански клуб“ – се вели во дел од соопштението.
„Ако ова е фудбалот што го сакаат, тогаш ние не сме подготвени да бидеме дел од него“.
Покрај одземените девет бода, со кои Воска Спорт испадна во втора лига, клубот доби и парична глоба од 7.500 евра, а претседателот Нефи Усеини и тренерот Клодиан Арбри добија двегодишна суспензија.
