Реал Мадрид со 1-0 победи на гостувањето кај Реал Сосиедад во првиот меч и денеска со предност влезе во овој дуел.
Но, Сосиедад и покрај негативата не излезе со бело знаме.
Баренечеа уште во 16. минута даде гол за водство на гостите од 1-0 и израмнување на конечниот резултат.
Во 30. минута Ендрик постигна гол со лоб удар за израмнување на 1-1.
Тој резултат беше актуелен до 72. минута кога Алаба си постигна автогол за ново водство на Сосиедад, овојпат од 2-1, а само осум минути подоцна Ојарзабал погоди за 3-1.
На десет минути пред крајот Реал Сосиедад имаше резултат кој го носеше во финале.
Но, во 82. минута Белингем даде гол за 2-3, а четири минути подоцна Чуамени изедначи на 3-3.
Се чинеше дека Реал Мадрид ја заврши работата, но не беше така. Во 93. минута Ојрзабал даде гол за предност на Сосиедад од 4-3, со тој резултат заврши регуларниот дел од мечот, па се отиде во продолженија.
Во 115 минута Ридигер по асистенција од Гулер постигна гол со глава за конечни 4-4 на вечерашиот меч и вкупна победа од Реал Мадрид од 5-4.
Во финалето Реал Мадрид ќе игра со победникот од дуелот меѓу Барселона и Атлетико Мадрид, првиот меч меѓу овие две екипи заврши 4-4.
