На пет минути до крајот на мечот, при негатива од 2-1 на мечот со Работнички, Гостивар одлучи да се повлече од натпреварот поради лошо судење.
Турските сопственици на Гостивар и минатиот викенд се жалеа на судењето, а овојпат решија да го напуштат мечот.
При повлекувањето од теренот дојде и газдата на клубот Енес Уста кој поразговара со судиите, а потоа ги „собра“ играчите.
Воска за повлекувањето од мечот против Вардар доби казна од одземање на девет бода и суспензија за сопственикот Нефи и тренерот од по две години.
Но, ваквата строга казна за Воска не го поколеба Гостивар и тој да напушти натпревар.
Воска по добиената казна реши да се откаже од натпреварувањето, ќе видиме каква ќе биде санкцијата за Гостивар и што ќе решат тие за остатокот од сезоната.
Во останатите денешни мечеви: Пелистер – Тиквеш 1-0, Шкендија – Шкупи 3-3, Силекс – Струга 0-0.
