Средбата од 26 коло на Првата македонска фудбалска лига понуди голема борба, доста тензија и на крајот ремито веројатно беше најреален исход.
Првиот дел на „Петар Милошевски“ во Битола не понуди многу, а вардарци имаа закани преку Бобан Николов и Диего Кастањеда. Второто полувреме понуди потактичка борба, но и еден поништен гол преку Мирко Ивановски кој беше во офсајд.
Најголемата шанса беше во петтата дополнителна минута, а ја имаше Мислав Матиќ по една мешаница со удар од шеснаесетникот. Сепак, голманот Андреј Јовчевски го одбрани ударот.
На крајот екипите го поделија пленот, а тоа повеќе му одговараше на Пелистер кој има 26 во борбата за опстанок. На врвот на табелата Вардар остана лидер, но сега има само бод повеќе од второпласираната Шкендија.
