Фудбалерите на Вардар го претрпеа вториот пораз на подготовките во Анталија, откако загубија со 3-0 од Динамо Махачкала.
Рускиот ривал на скопскиот тим во првиот дел стекна двојна предност со погодоците на Аларкон и Агаларов. Во продолжението Вардар не успеа да се врати, а потоа Дапо стави точка на победата.
Претходно вардарци ремизираа со Андијан (1-1), а загубија од Јаблонец (6-2). Во Турција пред „црвено-црните“ се уште два теста против Ахмат Грозни (Русија) и Алашкерт (Ерменија), а пред стартот на втората полусезона ќе се судрат и со Осогово.
Прв пораз во подготовките претрпе Струга, откако во финишот падна против Рубин Казан (2-0). Долго време немаше погодоци на оваа средба, за во финишот Кузнетсов и Мукба да реализираат за победа на Русите.
Досега Струга ја победи екипата на Малиќи (3-0), а потоа во Анталија ремизира со Тренчин (2-2) и Пахтакор (1-1). На стружани им следува уште еден турски тест со екипата на Сочи, додека потоа играат и против Охрид.
