Поради составот на противникот, Вардар беше голем фаворит за победата на овој меч, но работите не одеа како што треба на почетокот.
Мелсунген почна изненадувачки добро и неколкупати дојде до шест голови разлика во првото полувреме. Кога беше 6-12, Вардар како да се освести и почна да игра топејќи ја предноста на противникот. На одморот црвено-црните отидоа само со еден негатива, беше 18-19.
Во вториот дел Вардар го сврте резултатот и во мирна завршница дојде до убедлива победа од 37-33.
Јака Малус со десет голови беше најдобар стрелец кај Вардар, а ептен добро се покажа и новото засилување, Вукашин Воркапиќ кој реализираше девет. Одличен на голот беше Милош Валах со 14 одбрани.
Мелсунген останува лидер на табелата со шест бодови, Вардар и Бенфика имаат по четири, Кристијанштад два.
