Скопскиот клуб му се заблагодари на фудбалерот од Конго за сработеното од доаѓањето во Вардар минатото лето. Чимбембе пристигна во Скопје и од него се очекуваше многу, меѓутоа во целост потфрли и не ги оправда очекувањата.
Од доаѓањето во клубот летоска Чимбембе одигра само седум натпревари и тоа главно беше резервист. За тоа време на теренот постигна еден погодок во ПМФЛ.
Иако во минатото беше дел од респектабилни француски клубови како Гингамп, Троа и Мец, во Вардар не покажа апсолутно ништо. Поради тоа соработката меѓу двете страни е прекината порано од планираното.
