Црвено-црните кои го бранат трофејот во ова натпреварување немаа проблеми за да дојдат до победата.
Резултатот рано беше отворен, по само девет минути игра Спахиу погоди за предност на Вардар од 1-0.
Брзо потоа следуваше гол на Азер Омерагиќ кој реализираше со глава за 2-0. А до крајот на полувремето гол даде и Новаци преку Стефан Јовановски кој погоди од пенал.
Конечните 3-1 ги постави Ворен Чимпембе во второто полувреме.
Покрај Вардар, место во четвртфиналето од Купот на Македонија изборија Струга, Силекс, Работнички, Шкендија Арачиново, Детонит Плачовица и Охрид.
Останува да се одигра уште натпреварот меѓу Шкендија и Тиквеш.
