По пауза од шест години, Вардар е есенски шампион, избраниците на Гоце Седлоски попладнево триумфираа на гостувањето во Ѓорче Петров и го задржаа првото место на табелата во ПМФЛ.
„Црвено-црните“ имаа неколку одлични шанси во првиот дел, но никако не успеваа да реализираат, па беа казнети во 54. минута, Еступињан доби топка во фор и реализираше за 1-0.
Но Вардар успеа веднаш да одговори, на асистенција на Кастањеда, Омерагиќ изедначи на 1-1 во 63. минута од мечот.
Комплетниот пресврт беше направен неколку минути подоцна, Омерагиќ доби топка од Данев и погоди за 1-2.
На вториот натпревар од 13 часот, Струга со голот на Хамза го совлада Тиквеш со 0-1.
