Со оваа победа, „црвено-црните“ се доближија на два чекори до шампионскиот пехар, бидејќи сега им недостигаат уште две победи за и математички да ја обезбедат титулата. По вчерашниот пораз на Пелистер од Охрид, Вардар има предност од десет бода на врвот на табелата, иако има одиграно и натпревар повеќе од директните конкуренти.
Прашањето околу победникот беше решено уште во раната фаза од натпреварот, кога Вардар ја наметна својата игра и без проблем ја контролираше ситуацијата до самиот крај, победувајќи го градскиот ривал доста убедливо.
Најефикасен во редовите на Вардар беше Јака Малус со осум погодоци, а исто толку даде и Дејан Михајловиќ од Бутел.
