28 годишното десно крило се обврза на соработка со скопскиот гигант до крајот на сезоната 2027/2028 и ќе претставува значајно засилување во ростерот за домашните и европските предизвици.
Воркапиќ доаѓа од редовите на Војводина каде беше еден од носителите на играта, со настапи во домашниот шампионат, националниот куп и во ЕХФ Лигата на Европа. Претходно во кариерата го носеше дресот и на Металопластика од Шабац, како и на француски Иври, стекнувајќи богато интернационално искуство.
Новото засилување на Вардар е стандарден репрезентативец на Србија и има настапи на Светски првенства. Беше дел и од последното Европско првенство во Данска каде реализира 6 гола од 7 обиди, потврдувајќи ја својата ефикасност и квалитет на највисоко ниво.
Со неговата регистрација, Воркапиќ веднаш ќе му биде на располагање на стручниот штаб, а во таборот на Вардар очекуваат значаен придонес во продолжението од сезоната и во настапите на европска сцена.
