Подмладената македонска репрезентација падна во финишот и на крајот и убедливо го загуби мечот иако тоа не е слика на она што се случуваше на теренот во спортската сала во Куманово.
Натпреварот беше изедначен, двете селекции се менуваа во водство, тргнавме лошо, Романија почна со 6-0, но се стабилизиравме и брзо го свртевме резултатот. Првото водство за нас беше 13-12. На полувремето исто така имавме предност од еден поен разлика, беше 32-31.
Во последниот период од мечот влеговме со два поени предност, 57-55. Но паднавме во последните минути, Романците ја добија четвртата четвртина со десет поени разлика и на крајот дојдоа до триумфот од 80-72.
Џејкоб Вајли постигна 28 поени, тој беше убедливо најдобриот кошаркар на Македонија. Двоцирени беа и Андреј Митревски и Адем Мекиќ со по десет поени. Кај Романците најдобар беше Тохатан со 21 поен.
