„Сините“ минатиот месец триумфираа на првото издание на новото Светско клупско првенство и инкасираа преку 110 милиони долар за успехот во САД.
Фудбалерите како награда ќе поделат околу 15 милиони долари, односно секој фудбалер што настапил ќе добие околу 500.000 долари.
Медиумите од Англија сега пишуваат за убав гест, Челси и фудбалерите се договориле дел од бонусот да биде дониран на семејството на трагично загинатите Диого Жота и Андре Силва.
Напаѓачот на Ливерпул и неговиот брат починаа на почетокот од јули во страшна сообраќајна несреќа во Шпанија.
Португалецот добил забрана да лета со авион, па со автомобил тргнал на пат кон Сантандер, каде требал да се качи на траект и да го продолжи патувањето до Англијаа за да се пријави на подготовките за новата сезона.
ФОТО: X/Liverpool F.C.
