Македонија беше рамноправна само во првите минути, потоа Романија почна да прави разлика, првите десет минути завршија со предност на домаќинот од 26-19. Романците беа подобри и во втората четвртина, на полувремето заминаа со предност од 45-34.
Нашата репрезентација заигра нешто подобро во третиот период кој го добивме со 15-14, но Романците до крајот на мечот го контролираа резултатот и не дозволија да влеземе во драматична завршница, конечниот резултат беше 79-66.
И на овој натпревар Џејкоб Вајли беше нашиот најдобар кошаркар, тој постигна 19 поени, а имаше 10 скокови, двоцифрени беа и Андреј Магдевски со 13 поени и Андреј Митревски со 11.
На Македонија ѝ остана уште еден натпревар до крајот на претквалификациите, дуелот со Унгарија на домашен терен кој го играме на 20 август.
