Андреас Трајковски вчера испиша историја и стана првиот македонски атлетичар кој се пласирал во финале на Европско првенство во атлетика, неговиот обид од 7,85 метри исто така беше нов македонски рекорд во скок во далечина во сала.
Тој сепак денеска не успеа да биде на ова ниво, па го заврши Европското првенство на осмото место.
Во финалето, Андреас Трајковски имаше три успешни скокови, најдобриот му беше 7,65 метри.
Првото место го освои Божидар Сарабојуков од Бугарија со скок од 8,13 метри, додека медали освоија и Матиа Фурлани од Италија (8,12) и Лестер Лескај од Шпанија (8,12).
