вторник, 15 јули 2025

Спектакл во Штутгарт, Шпанија ја победи Франција во меч со девет голови

Шпанија со 5-4 ја победи Франција во вториот полуфинален натпревар од Лигата на нации и за пехарот ќе се бори против својот сосед, Португалија.

Објавено на

часот

Сподели

Вистински спектакл се случуваше во Штутгарт каде се играше овој полуфинален меч.

Резултатот го отвори Нико Вилијамс во 22. минута, а само три минути подоцна Мерино даде гол за водство на Шпанија и од 2-0.

Во финишот од првиот дел Хујсен даде убав гол, но му беше поништен поради офсајд.

Голеадата продолжи по девет минути игра во вториот дел кога Ламин Јамал од пенал зголеми на 3-0, а веќе во следната минута Педри даде гол по една одлична акција за 4-0.

Брзо потоа беше досуден пенал и за Франција кој го реализираше Мбапе за 4-1.

Јамал даде уште еден гол, овојпат погоди од игра во 67. минута за предност на Шпанците од 5-1.

Во 79. минута Черки даде спектакуларен гол за 5-2, а пет минути подоцна Вивиан си даде автогол за 5-3.

Течеше третата минута од судиското продолжение кога по асистенција на Черки, Коло Муани погоди со глава за 5-4.

Французите имаа уште некоја минута до крајот, но не успеаа да дадат уште еден гол за уште полуд финиш на мечот.

Шпанија во финалето ќе игра против Португалија, а Франција со Германија ќе се бори за третото место.

Фото: X/Selección Española Masculina de Fútbol

ТОП ВЕСТИ

ПОСЛЕДНИ ВЕСТИ